ئیراق ژ بەر گرتنا بەرگومانەکی «دزیا سەدسالێ» سپاسیا وەزارەتا ناڤخوە یا کوردستانێ دکە

دەستەیا دەستپاکیێ یا ئیراقێ گرتنا دزەکی راگهاند و سپاسیا وەزارەتا ناڤخوە یا هەرێما کوردستانێ کر ژ بۆ ئالیکاریا وان د گرتنا وی بەرگومانی دە.

دەستەیا دەستپاکیێ بێی کو ناڤێ وی ئاشکەرە بکە، بەرگومانەکی سەرەکە یێ «دزیا سەدسالێ» گرت و سپاسیا وەزارەتێن ناڤخوە یێن حکوومەتا فەدەرال و حکوومەتا هەرێما کوردستانێ ژی کر کو د گرتنا وی تاوانباری دە ئالیکاریا وان کرنە.

پێشتر ژی 4 بەرگومانێن دن کو بەرپرسێ حکوومەتا بەرێ مستەفا کازمی بوون، ژ ئالیێ دادگەها بلندا جەزایێ ڤە هاتبوون بنچاڤکرن.

ل گۆری بەرپرسێن ئیراقی، ئەو بەرگومان د ڤەکێشانا پەرەیێن ژ دەزگەها گشتی یا باجێ ڤە بەشدارە، کو نێزیکی 2.5 ملیار دۆلارە

دزیا کو ب «دزیا سەدسالێ» تێ ناسکرن ئەوە، د ناڤبەرا ئیلۆنا 2021 و تەباخا 2022 دە 2،5 میلیار دۆلار داهاتا باجێ هاتیە دزین.