فەرماندارەکی پاسدارێن ئیرانێ ل بەیرووتێ هات کوشتن

د ئێریشا ئیسرائیلێ یا بەری دو رۆژان ل سەر باشوورێ بەیرووتێ دە کو بەرپرسەکی پلەبلندێ هزبوڵاهـ هاتبوو کوشتن، فەرماندارەکی پاسدارێن ئیرانێ ژی هات کوشتن.

ئیسرائیلێ شەڤا 30ی تیرمەهێ ئێریشی ئاڤاهیەکە نشتەجهبوونێ ل تاخا باشوورا بەیرووتێ کربوو کو تێ سەرکردەیێ ناڤدارێ هزبوڵاهێ فوئاد شوکر (حاج موحسەن) هاتبوو کوشتن.

ل گۆری ئاژانسێن نووچەیان یێن ئیرانێ، د ئێریشا ئیسرائیلێ یا شەڤا 30ی تیرمەهێ دە، شێورمەندێ لەشکەرییێ ئیرانێ میلاد بیدی هات کوشتن کو د هەمان ئاڤاهیێ دە بوو.

ئاژانسا نشتمانی یا نووچەیانا لبنانێ دوهی گۆتبوو، کارێن راکرنا کاڤلان ل جهێ ئێریشێ بەردەوام دکن و هەژمارا کوشتیێن ئێریشێ گهیشتیە 6 کەسان و ئەگەر هەیە ئەو هەژمار زێدە ببە.

رۆژنامەیا تایمز ئۆف ئیسرائیل راگهاند کو فەرماندارێ لەشکەرییێ ئیرانێ یێ د ئێریشێ دە هات کوشتن میلاد بەدی ژی ل هەمان ئاڤاهیا کو ژ ئالیێ بالافرێن شەرێن ئیسرائیلێ ڤە ل باشوورێ بەیرووتێ هات بۆمبەبارانکرن بوو.