پێنج چەکدارێن گرێدایی ئیرانێ د ئێریشەکە درۆنەکێ دە ل رۆژهلاتێ سووریەیێ ل نێزی سنۆرێ ئیراقێ هاتن کوشتن.
رەوانگەها سووریەیی یا مافێن مرۆڤان ئیرۆ (یەکشەم، 11.08.2024) راگەهاند، «ژ ئەنجامێ ئێریشا درۆنەکێ، ئیرۆ پێنج چەکدارێن گرێدایی ئیرانێ هاتن کوشتن و هەژمارەکە دن ژی بریندار بوون، کو برینێن هن ژ وان گرانن».
رەوانگەها سووریەیی ئاماژە ژی دا، «ئەو ئێریش ب درۆنەکە نەناسکری هاتیە کرن، هەروەسا ئەو چەکدار د ئەرەبەیەکە سەربازی دە بوون کو هاتن و چوون ل نێزی سنۆرێ سووریە و ئیراقێ دکر».
دەڤەرا سنۆری یا د ناڤبەرا رۆژهلاتێ سووریەیێ و ئیراقێ دە یەک ژ دیارترین وان دەڤەرانە یێن کو ئیران و کۆمێن گرێدایی وێ تێ دە سەردەستن، ژ وان ژی دەستەیێن ئیراقی.
رەوانگەها ناڤبری هەروەسا گۆت، «د نیسانا بۆری دە، سێ چەکدارێن ئالیگرێن ئیرانێ د ئێریشەکە ئاسمانی دە ل رۆژهلاتێ سووریەیێ ل نێزی سنۆرێ ئیراقێ هاتن کوشتن».
ژ دەستپێکا شەری ل سالا 2011ێ هەتا نها، ئسرائیلێ ب سەدان جاران ئێریشێن ئاسمانی کرنە سەر سووریەیێ.
