رێخستنێن په‌كه‌كێ هه‌ژماره‌كه جوانێن كورد یێن ژ باشوور و رۆژهلاتا كوردستانێ خاپاندن و ل ژێر ناڤێ ڤه‌گوهه‌ستنا وان بۆ ئه‌ورۆپایێ برن قه‌ندیلێ و ل ور ته‌ڤلی خولێن په‌روه‌رده‌یا له‌شكری كرنه.
چاڤكانیێن پێگه‌ها داركا مازی یێن ل باشوورێ كوردستانێ ئاشكه‌ره كرن، رۆژا 4 تیرمه‌ها ئیسال 2024ێ داوی ب ده خولێن په‌روه‌رده‌یا له‌شكه‌ری ل بنارا قه‌ندیلێ و كێله‌شینێ ئانی، د هه‌ر خوله‌كێ ده 15 هه‌یا 20 جوانان به‌شداربوون و پرانی ژێ ژ رۆژهلات و باشوورێ كوردستانێ نه.
چاڤكانیێن ده‌ستنیشان كرن، ئۆرگانێن په‌كه‌كێ ئه‌ڤ جوان خاپاندبوون و ل ژێر ناڤێ ڤه‌گوهه‌ستنا وان بۆ ئه‌ورۆپایێ، ئه‌و كێشی قه‌ندیلێ و خنێره كرنه و ل ور ب دارێ زۆرێ ته‌ڤلی خولێن چه‌كداری كرنه.
ئاگاهیێن ده‌ستێ مه ته‌سپیت كرنه كو تێ چاڤه‌رێكرن هه‌ژماره‌كه وان جوانێن كو ته‌ڤلی خولێن چه‌كداری بوونه، ب هنه‌ك گه‌ریلایێن په‌كه‌كێ و هه‌ڤئاهه‌نگییا سپایێ پاسداران د ناڤا خاكا ئیرانێ ره د سینۆرێ پارێزگه‌هییا ئۆرمیێ ره ده‌رباسی باكورێ كوردستانێ و هه‌رێمێن سه‌رحه‌د و دێرسمێ ببن.
رێخستنا په‌كه‌كێ ب سه‌ده‌ما وه‌نداهیێن وێ یێن مه‌زن كو رۆژانه چه‌كدارێن وێ تێن كوشتن، هه‌ر وها له‌وازبوونا ئاستا ته‌ڤلی بوونا شه‌رڤانێن نوو بۆ رێخستنێ، په‌نا بریه ره‌ڤاندن و خاپاندنا جوانێن كوردان ژ هه‌ر چار په‌رچه‌یێن كوردستانێ، ژ بۆی ڤێ ژی ئۆرگانێن په‌كه‌كێ د سالا رابووری 2023ان ده هه‌ژماره‌كا جوانانا ل ژێر ناڤێ ڤه‌گوهه‌ستنا وان بۆ ئه‌ورۆپایێ خاپاندن، ئه‌و كێشی چیا كرن و ته‌ڤلی خولێن په‌روه‌رده‌یا له‌شكری بوون و هێژان ب ناچاری د ناڤ رێخستنێ ده ما نه.
