بەرەیێ ترکمەنی و پێکهاتەیا عه‌ره‌بی ل دادگەها فەدەرالی سکالا ل دژی روونشتنا ئۆتێلا رەشید یا به‌غدایێ تۆمار کر و دبێژن، «سکالایا مە ل سەر بنگەها قانوونێ و دەستوورییە و ئەم ل وێ باوەرێنە کو ئەم دێ ب سەر بکەڤن.» تەکەز ژی دکن کو، ئه‌و دانپێدانێ ب وێ حكوومه‌تێ ناکن.
جڤینا ئۆتێلا رەشید یا به‌غدایێ پێکهاتەیێن کەرکووکێ ل سەر چەند بەرەیان پارڤە کرنە، بەرەیێ نەرازی ژ بلی لڤاندنا جادەیێ پەنا ژ بۆ دادگەهێ ژی بریە و سکالا تۆمار کریە.
تورکش ئزەدین کو ل بەرەیێ ترکمەنی سەرکردەیە ژ ک24ێ رە راگەهاند، «مە وەکی لیستا بەرەیێ ترکمەنییێ هەڤگرتی سکالا ل دژی وێ روونشتنێ تۆمار کر یا کو ل ئۆتێلا رەشید یا به‌غدایێ هات کرن. د وێ سکالایێ دە ژی، مە پشتا خوە ب قانوونێ و دەستووری گەرم کریە.»
هەشت مەهێن بەندەمانا خەلکی ب قەیرانێ دەست پێ کر، حكوومه‌تەک کو هێشتا دەست ب کارێ خوە نەکریە، گەفا هلوەشاندنێ ل سەر هەیە.
په‌ده‌كه و پێکهاتەیا ترکمەنان و نیڤا عه‌ره‌بان حكوومه‌تەکە ب ڤی ئاوایێ چێ بوویی رەد دکن و وەکی کودەتا بناڤ دکن.
پێشتر ئالی و پێکهاتەیان ل سەر وێ یەکێ ل هەڤ کربوو کو پێدڤییە یەکدەنگی ل سەر پێکانینا حكوومه‌تا خوەجهی یا کەرکووکێ هەبە و چ ئالی نەیێن پشتگوهخستن، لێ ل دووڤ گۆتنا ئالیێن نەرازی جڤینا ئۆتێلا رەشید سازان تێک دا و هەر سێ پێکهاتێن کەرکووکێ پارڤە کرن و قەیران ژی مەزنتر کرن.
