سەرۆکئەرکانێ وەزارەتا پێشمەرگە و فەرماندەیێ هێزێن هەڤپەیمانان ل هەرێما کوردستانێ دانوستاندنان ل سەر پلانا چاکسازیێ و پێنگاڤێن یەککرنا هێزێن پێشمەرگەیان دکن.
وەزارەتا پێشمەرگە پارڤە کریە، «سەرۆکئەرکانێ وەزارەتا پێشمەرگە فەریق روکن عیسا عوزێر ب فەرماندەیێ هێزێن هەڤپەیمانان ل هەرێما کوردستانێ کۆلۆنەل راپ براندستێتەر و شاندا پێ رە ل وەزارەتا پێشمەرگە جڤیان.
ل دوو راگەهاندنێ وێ وەزارەتێ، تەوەرێ سەرەکی یێ وێ جڤینێ گرێدایی بجهئانینا بەرنامە و پلانا چاکسازیێ ل وەزارەتا پێشمەرگە و رێکخستنا تەڤایا هێزان بوو.
هەروەسا دانوستاندن ل سەر رەوشا نها یا هێزێن پێشمەرگەیان و پێشخستنا پەیوەندیێن ناڤبەرا وەزارەتا پێشمەرگە و هەڤپەیمانان هاتن کرن.
چاڤکانیا ناڤبری ئاماژە ژی دا، هەر دو ئالی ل سەر بلەزکرنا پێنگاڤان ژ بۆ یەکککرنا یەکینەیێن جودایێن هێزێن پێشمەرگەیان بۆ سەر وەزارەتا پێشمەرگە و رێکخستنا وان د چارچۆڤەیا فرقەیێن نوو دە هەڤنەرین بوون.
