ل ترکیێ و باکورێ کوردستانێ ل گەلەک جھان ئاگر ب دارستانان کەتیە، د ئەنجامێ دە، 78 کەس بریندار بوونە و 9583 کەس ژی ھاتنە ڤەگوھەستن.
وەزیرێ چاندنی و دارستانانیێ ترکیەیێ دا خویاکرن، د ھەیاما 24 دەمژمێران دە، ژ 72 ئاگران، 45 ئاگر ھاتنە کۆنترۆلکرن. ل 27 دەڤەران ئاگر ددۆمن.
ھەر وھا گۆت، شەواتا ئیزمیرێ ژ خەمساریا گەشتیاران دەرکەتیە و ژ بەر ئاگری، 17 مال شەوتینە و 105 مال ژی ھاتنە ڤالاکرن. ھەروھا 6 کەس ژی ھاتنە بنچاڤکرن.
ژ ئالیێ خوە ڤە، وەزارەتا تەندورستیێ یا ترکیەیێ راگھاند، د ئاگرێ ل ئیزمیرێ دە ھەری کێم 78 کەس بریندار بوونە، رەوشا 29 کەسان گرانە و د بنچاڤدێریا بزیشکی یا ھوور دە نە.
سەرۆکاتیا رێڤەبەرنا رەوشا ئاوارتە و کارەساتان ئافادێ راگھاند، ل ئیزمیر، ئایدن، بۆلوو، موگلا و مانیسایێ شەواتێن مەزن ددۆمن.
دا زانین، ب 90 فرۆکە و ھەلیکۆپتەر و چار ھەزاران زێدەتر ئەندامێن تیمێن ڤەمراندنێ ھەولێن کۆنترۆلکرنا شەواتێ ددۆمن. ھەر وھا ژ بەر شەواتێ 3583 کەس ھاتنە ڤەگوھەستن.
