وەزارەتا به‌رگریێ یا ترکیێ، کوشتنا لەشکەرەکی خوە ل ناڤچەیێن سینۆری یێن هەرێما کوردستانێ راگهاند.
وەزارەتا به‌رگریێ یا ترکیێ دا خویاکرن، ل هەرێما ئۆپەراسیۆنا «پەنجە»، د ئەنجامێ تەقینا بۆمبەیەکێ دە، لەشکەرەکی ب پلەیا چاویشێ شارەزا بریندار ببوو.
وەزارەتێ دا زانین، سەربازێ بریندار ب ئارمانجا دەرمانکرنێ بۆ ئەنقەرەیێ هاتە ڤەگوهەستن، لێ ل گەل هەموو هەولدانان جانێ خوە ژ دەست دایە.
ئارتێشا ترکیێ 17ێ نیسانا 2022ان ل دەڤەرێن زاپ، ئاڤاشین و مەتینایێ یێن باشوورێ کوردستانێ ب هنجەتا هەبوونا چەکدارێن په‌كه‌كێ دەست ب ئێرشەکە ب ناڤێ «ئۆپەراسیۆنا پەنجە-کلیدێ» کریە و ئەو ئێرش هەتا نها ژی بەردەوام دکە.
