ئیرۆ 22/8/2024 چاپەمەنیا ئیراقێ راگەھاند کو ل باژارێ کەربەلا ل باشوورێ ئیراقێ شەرێ ب چەک د ناڤبەرا گرۆپەکا چەکداری یا سەر ب حەشدا شەعبی و ھێزەکا ئارتێشا ئیراقێ دە پێکھات.
ھات ئاشکەرا کرن میلیشیایێن “جوند ئیمام” کو گرۆپەکێ چەکداری یێن سەر ب وەزیرێ کارێ ئیراقێ ئەحمەد ئەسەدی نە، ل گەل ھێزەکە ئارتێشا ئیراقێ ل کەربەلایێ شەر کرن و دەربارێ سەدەمێ شەر دە ژی چ تشتەک نەھاتیە گۆتن.
ھەروەھا چاپەمەنیا ئیراقێ ئاشکەرا کر دەستپێکێ نیقاش د ناڤبەرا چەکدارێن حەشدا شەعبی و ئارتێشا ئیراقێ دە چێبوویە و پشترە ژی چەک ل ھەمبەر ھەڤ بکارئانینە و گولە ل ھەڤ بەردانە و پشتی بوویەرێ ژی 6 چەکدارێن گرۆپا جوندولئیمام ھاتنە گرتن و لێکۆلینا ل سەر بوویەرێ ژی دەستپێ کریە.
ھەژمارەک ژ روونشتڤانێن باژارێ کەربەلایێ د تۆرا جڤاکی یا فەیسبۆکێ دە بەلاڤ کرن کو چەکدارێن جوندولئیمام نە تەنێ گولە ل ھێزێن ئارتێشا ئیراقێ بەردانە ھەروەھا گولە ل زیارەتکاران ژی بەردانە.
