فەرمانداریا ھێزێن ناڤەندی یا ئامەریکایێ (سێنتکۆم)ێ راگەھاند یەک ژ رێڤەبەرێن پایەبلندێن رێخستنا حوڕاس ئەلدین یا باسکێ قاعیدێ ل سووریێ ب ئۆپەراسیۆنەکا ھێزێن فەرمانداریا ناڤەندی یا ئامەریکایێ ڤە ھات کوشتن.
فەرمانداریا ھێزێن ناڤەندی یا ئامەریکایێ راگەھاند، رێڤەبەرێ پایەبلندێ رێخستنا حوڕاس ئەلدین یێ ئەندامێ کۆنسەیا شوورایا ئۆلی و بەرپرسێ ئۆپەراسیۆنێن ل سووریێ ئەبو عەبدورەحمان ئەل مەککی د ئۆپەراسیۆنەکی دە ھاتیە کوشتن.
فەرماندارێ ھێزێن ناڤەندی یێ ئامەریکایێ جەنەرال میشێل ئێریک کوریلا ژی راگەھاند: “سێنتکۆم، ژ بۆ تێکبرنا دایمی یا تەرۆریستان و تێکشکاندنا نەیارێن ئامەریکا و ھەڤپەیمان و ھەڤبەشێن وێ ب بریارە.”
رێخستنا حوڕاس ئەلدین، باسکێ قاعیدێ یێ سووریێ یە، ئێریشێن قاعیدە یێن ل ھەمبەر ئامەریکا و وەلاتێن رۆژئاڤا برێڤە دبە.
