ئالیکارێ سەرۆکێ گشتی یێ ھوودا پارێ خەلەف یلماز دەر بارێ نیقاشێن دەستوورا بنگەھین دە، بەرسڤا نرخاندنا سەرۆکێ پارلەمەنتۆیێ نومان کورتولموش دا و گۆت: “دڤێت دەستوورا بنگەھین ژ کەمالیزما کو فەراسەتێ تەقلید دکە بێ پاقژکرن.”
سەرۆکێ پارلەمەنتۆیا ترکیێ نومان کورتولموش د ئاخفتنەکا خوە دە گۆتبوو: “ب باوەریا من نیقاشکرنا 4 خالێن ئەول ونداکرنا دەمێیە.”
یلماز د دەربارێ گوھەرتنا دەستوورا بنگەھین دە گۆت: “مەسەلە ئەوە کو د بن ناڤێ لایقتیێ (سکۆلاریزم)دە ھەموو خەلەتیێن کو دبن سەدەما دژمناتیا ئیسلامێ، دینێ ملەتێ مە، دڤێت بێ سەرەراستکرن. ما ب دەرخستنا 4 خالێن ئەول یێن ژ ڤێ یەکێ دێ پرسگرێک چارەسەر ببە؟”
رێڤەبەرێ ھودا پارێ گۆت، “ژ ئالیێ عاقل، ئیمان و زانستێ ڤە فەرزکرنێن دەستوورا کۆدەتایا 12 ئیلۆنێ چاوا پیرۆز تێ دیتن، وەکە کو گۆتنا خوەدێ بن؟ نەخوە دێ چ هێت سەرەراستکرن. دێ چ بگوھەرە دێ چ ببە؟”
خەلەف یلماز گۆت، “مەسەلە ئەوە کو داوی ل ئیدەۆلۆژیا خورافە و خوەداکرنا کەسێن کو ب فەرزکرن و خاپاندنێن ل سەر ڤی گەلی ھلوەشیانە و دەستوورا بنگەھین ژ زھنیەتا کەمالیزمێ یا کو ھەول ددە ملەتی بکە کۆلەیێ دلدار، بهێت پاکژکرن.”
