گولەر گۆت، ئەو دخوازن رەوشا ئالۆز یا د ناڤبەرا ئالیان دە گاڤەکێ زووتر بداوی ببە و ھەر دو وەلات ڤەگەرن کارێن خوەیێن ئاسایی کو د بەرژەوەندیا ھەر دو وەلاتان دەیە.
گولەر ھەر وھا گۆت، د ناڤبەرا ترکیە و سووریەیێ دە پرسگرێکەک کو نەیێ چارەسەرکرن نینە. دەما کێشە ھاتن چارەسەرکرن، ھەر دو وەلاتێن جیران ب ئاوایەکی ئاسایی دکارن د کارێن خوەیێن ئاسایی دە بەردەوام بن.
ئەڤ داخویانیا گولەر پشتی وێ تێ، سەرۆکێ سووریەیێ رۆژا 25 تەباخێ د ئاخافتنا خوە یا ل پێشیا پارلامەنتۆیا سووریەیێ دە تەکەز کر کو “ھەر پێڤاژۆیەکا دانووستاندنێ یا لگەل ترکیەیێ، پێویستیا وێ ب لێڤەگەرەکێ ھەیە تا کو بسەر بکەڤە.”
ھەروھا ئەسەد تەکەزی ل سەر ھەلوێستێن خوەیێن بەرێ کر ب “پێویستیا دەرکەتنا ترکیەیێ ژ ئاخا سووریەیێ یا کو د بن دەستێ وێ دەیە و پێویستیا راوەستاندنا پشتگریا وێ ژ تەرۆرێ رە”.
