ل ترکیەیێ د ھەیاما 24 دەمژمێران دە، ل 7 باژاران 9 کەس د ئەنجامێ ئێرشێن ب چەک و کێران دە ھاتن کوشتن.
ل ترکیە و باکورێ کوردستانێ ب گشتی 30 ملیۆن چەکێن بێمۆلەت ھەنە و بوویەرێن توندوتیژیێ ژی ھەر کو دچن زێدە دبن.
ل گۆری مەدیایا ترکیەیێ، د رۆژەکێ دە، ل 7 باژارێن جودایێن ترکیەیێ، د ئەنجامێ ئێرشێن ب چەک و کێران دە 9 کەسان جانێ خوە ژ دەست دانە.
دوھی ژی وەلاتیەکی ھەرێما کوردستانێ کو ب ئارمانجا گەشتێ ل ستەنبۆلێ بوو، د ئێریشەکە نژادپەرەستی دە ب کێران ھاتە کوشتن.
مەھا تەباخا بۆری ژی د ئەنجامێ ئێرشان دە، 152 کەس ھاتنە کوشتن.
ل گۆر زانیاریان، د ئێرشێن ب چەک و کێران دە، ستەنبۆل د سەری دە تێ کو د سالەکێ دە نێزیکی ھەزار کەس د ئەنجامێ ئێرشان دە ھاتنە کوشتن.
