د مەھێن بۆری دە ژ بەر رابوونا لەھیێن زێدە کو ل باژار و ناڤچەیێن کۆرەیا باکور پێک ھاتن، 5 ھەزار کەسان زێدەتر ژیانا خوە ژ دەست دان و ب دەھان ھەزار کەس ژی ئاوارە بوون. پشتی وان بوویەران، سەرۆکێ کۆرەیا باکور فەرمانا دارڤەکرنێ ژ بۆ 30 بەرپرسان دەرخست.
ل گۆر نووچەیا تیڤی چۆسونا کۆرەیا باشوور، سەرۆکێ کۆرەیا باکور کیم جۆنگ ئون ژ بەر بنکەتنا ل ھەمبەر لەھی و ھەزازان یا د ھاڤینێ دە، فەرمانا دارڤەکرنێ ژ بۆ 30 بەرپرسێن وەلاتێ خوە دەرخست.
چەند مەھان بەریا نھا ژ بەر بارانان لەھیەکە زێدە بەرێ خوە دا باژار و ناڤچەیێن کۆرەیا باکور و د ئەنجاما وان کارەساتان دە ژ بلی ژیان ژ دەست دانان زێدەتر ژ 5 ھەزار کەسان، ب دەھان ھەزار کەس ژی نەچار مان ناڤچەیێن خوە ب جیھ بھێلن و بەرێ خوە دان ناڤچەیێن دن.
پسپۆر دبێژن، کۆرەیا باکور ھەر سال د ھاڤینێ دە رووبروویێ لەھیێ دبە ژ بەر کو بنەسازیا وەلێت، نەمازە ئاڤرێژا باژاران، نکارە ھەمی بارانێ راگرە.
