د ئەنجاما ئێریشەکە چەکدارێن ئۆپۆزیسیۆنا سووریەیێ ل گوندەوارێ لازقیێ دە، زێدەتری 12 لەشکەرێن رەژیمێ ھاتن کوشتن و بریندارکرن.
رەوانگەھا سووری بۆ مافێن مرۆڤان بەلاڤ کر، وەک بەرسڤا تۆپبارانا ئارتێشا سووریەیێ ل سەر دەڤەرێن د بن دەستێ ئۆپۆزسیۆنێ دە ل باکورێ رۆژئاڤایێ سووریەیێ، ھەیەت تەحریر ئەل-شامێ چەپەرێن ھێزێن رێژیمێ ل ئەنیێن وادی کلز و ئەل-سەڕاف ل باکورێ لازقیێ کرن ئارمانج.
دیار کر ژی، د ئەنجاما ئێریشێ دە 12 لەشکەرێن ئارتێشا سووریەیێ ھاتن کوشتن، کو د ناڤا وان دە ئەفسەرەک ژی ھەیە.
ل گۆری رەوانگەهێ، ئەڤ ئێریشا چەکدارێن تەحریر ئەل-شامێ، ئێریشا ھەری مەزنە ژ سەرێ سالێ ڤر ڤە کو تێ دە ھەژمارەک مەزن ژ لەشکەرێن سووریەیێ ھاتنە کوشتن.
ھەروھا ئەڤ ئێریش پشتی وێ تێ، د چەند رۆژێن بۆری دە ھێزێن رێژیما سووریەیێ ئاڤاھیێن سڤیلان ل باژارۆکێ جەسر ئەل-شخوور ل پارێزگەھا ئدلبێ کربوون ئارمانج و د ئەنجامێ دە 4 کەس ھاتبوون کوشتن.
