ئیستیخباراتا ترکیێ “میتێ” ئەشکەرە کر ل ھەرێما قامشلۆیێ یا رۆژئاڤا کوردستانێ ب ئۆپەراسیۆنەکێ بەرپرسێ پایە بلندێ پەکەکێ ب ناڤێ مەتین دنچ کو ب کۆدناڤێ “دژوار تێکۆشین” تێ ناسکرن کوشتیە.
ل گۆری ئاگاھیێن مەدیایا ترکیەیێ، مەتین دنچ د ناڤبەرا 2008-2015 دا ژ بەر سووچێن “ئەندامەتیا رێخستنا تەرۆرێ یا چەکدار، پرۆپاگاندایا رێخستنا تەرۆرێ، دابینکرنا چەکان بۆ رێخستنێن تەرۆرێ یێن چەکدار، پێکانین و برێڤەبرنا جڤین و مەشێن دژی یاسایێ” ھاتبوو بنچاڤکرن و پشترە هاتبوو تەوقیفکرن.
ھات ئەشکەرە کرن، ئەڤ بەرپرسێ پەکەکێ پشتی کو تێ ئازادکرن د سالا 2015 دا دەرباسی سووریەیێ بوویە، و تەڤلی رەفێن پەکەکێ بوویە و چالاکیێن دژی ھێزێن ئەولەکاریا ترکیەیێ ئۆرگانیزە کرنە.
میتێ هەر وەها راگهاندیە، دنچ ژ ھێلا سیخورێن میتێ ھاتیە ئەشکەرەکرن کو ل ھەرێما قامشلۆیێ یا سووریەیێ یە، پشترە ب ئۆپەراسیۆنەکا تایبەت ڤە ھاتیە کوشتن.
