وەزیرێ کارێن ناڤخوەیێ ترکیەیێ عه‌لی یەرلیکایا راگهاند کو د ئۆپەراسیۆنێن “نارکۆچەلیک-39″ێ دا 293 گومانبار هاتنە دەستەسەرکرن.
عه‌لی یەرلیکایا ئیرۆ ل سەر هەسابێ خوە یێ مەدیایا جڤاکی دیار کر کو ئەنقەرە، ستەنبۆل و ئیزمیر ژی د ناڤ دە ل 44 پارێزگەهان ئۆپەراسیۆنێن “نارکۆچەلیک-39″ێ هاتن کرن.
یەرلیکایا دەستنیشان کر کو د ئۆپەراسیۆنان دە 470 کیلۆگرام مادەیێن هشبر و 4 ملیۆن و 945 هەزار و 832 حەبێن هشبر هاتن بدەستخستن.
وەزیرێ کارێن ناڤخوەیێ ترکیەیێ هەر وها دا زانین کو د ئۆپەراسیۆنان دە 293 گومانبار ژی هاتن دەستەسەرکرن.
یەرلیکایا د هەمان دەمێ دە ئەشکەرە ژی کر کو 681 ئەکیب، 1876 پەرسۆنەل، 9 وەساییتێن ئاسمانی و 26 کووچکێن نارکۆتیک بەشداری ئۆپەراسیۆنان بوونە.
ب گۆتنا یەرلیکایا ئەو ئۆپەراسیۆن د کۆئۆردینەیا سەرۆکاتیا دژی سووجێن نارکۆتیکا برێڤەبەریا ئەولەهیا گشتی دە هاتنە کرن.
