ل لبنانێ جارەکە دن چەند ئاموورێن پەیجەر تەقیان

جارەکە دن ھەژمارەک ئاموورێن پەیجەر د دەستێ ئەندامێن حزبوللاھا لبنانی دە دیسا تەقیان. دەربارێ زیانان دە ژی، ت ئاگاھی نەھاتن راگھاندن.

ژێدەرێن نێزیکی حزبوللاھا لبنانێ راگھاندن، ئیرۆ 18ێ ئیلۆنێ جارەکە دن چەند ئاموورێن پەیجەر ل چەند دەڤەرێن باشوورێ لبنانێ و ل تاخا ئەل-داھیێ یا بەیرووتێ تەقیان.

ئاماژە ب وێ ژی کر، د ئەنجاما تەقینا پەیجەران دە، 3 کەس ھاتنە کوشتن و زێدەتر ژ 100 کەسێن دن ژی بریندار بوونە.

دوھی 17 ئیلۆنێ ئاموورێن پەیجەر یێن بێتێل یێن ئەندامێن حزبوللاھێ ل گەلەک دەڤەرێن لبنانێ تەقیان و د ئەنجامێ دە 12 کەس ھاتن کوشتن و دۆرا 2800 کەسێن دن بریندار بوون.

پشتی تەقینان، حزبوللاھێ گۆت کو ئیستخباراتا ئیسرایلێ کاریە ئالاڤێن پێوەندیێ یێن ئەندامێن وێ ھاک بکە.

د ڤێ ناڤبەرێ دە، ئاژانسا نەتەوی یا لبنانێ گۆت، ئیستخباراتا ئیسرایلێ پەیجەرێن ئەندامێن حزبوللاھێ، کو ئالاڤەکە بچووکا پێوەندیێیە ھاک کرینە.