سەرۆککۆمارێ ترکیەیێ گۆت، ئەو ئێدی دخوازن لگەل سووریەیێ پرسگرێکان بداوی بکن و وی بانگا ھەڤدیتنێ ل سەرۆکێ سووریەیێ کریە و نھا ل بەندا بەرسڤا وییە.
سەرۆککۆمارێ ترکیێ رەجەب تەییب ئەردۆگان، ل گەل وەزیرێن دەرڤە و دارایی، ب ئارمانجا بەشداریا 79ەمین جڤینا نەتەوەیێن یەکگرتی بەر ب ئامەریکایێ ب رێ کەت.
ئەردۆگان ل فرۆکەخانەیا ستەنبۆلێ راگھاند، ل ناڤچەیێ کریز و ئالۆزی زێدە بوونە و ژ بەر ڤێ گرنگیەکا مەزن ددن ئاساییکرنا پێوەندیان و دیالۆگێ.
ئەردۆگان گۆت: “دڤێت کریزا سووریەیێ ئێدی داوی ببە. بێ ئارامیا وێ دەرێ بۆ رێخستنێن تەرۆرێ دبە بنگەھ. ژ بۆ ئارامیا تەڤاھیا سووریەیێ، گاڤێن کو ترکیە و سووریە ب ھەڤ رە باڤێژن ھەنە.”
ھەروھا گۆت: “ئەم دبینن کو ئالیێن ئۆپۆزسیۆنێ، دەمەکە پابەندی پرۆسەیا بێپەڤچوونێ دبن، ئەڤ یەک دەریێ ژ بۆ چارەسەریەکە بنگەھین ڤەدکە.”
ئاماژە ب وێ ژی کر، “ل دەرڤەیی سووریی ب ملیۆنان کەس بۆ ڤەگەرێ راوەستیانە. مە بانگا خوە کر. ژ بۆ ئاساییکرنا پێوەندیێن ترکیە و سووریەیێ مە ئیرادەیا خوەیا ھەڤدیتنێ ل گەل بەشار ئەسەد نیشان دا. ئەم نھا ل بەندا بەرسڤا وانن.”
