ل ناڤچەیا عومرانیەیا ستەنبۆلێ رێڤەبەریا ئەولەھیا ناڤچەیێ و فەرمانداریا ناڤەندی یا پۆلیسان، ژ بۆ تاوانبارێ کو ژ بەر دزیا مۆتۆسیکلەتێ ھاتبوو گرتن و پشترە رەڤیا بوو، ئۆپەراسیۆن دا دەستپێ کرن و د دەما وێ ئۆپەراسیۆنێ دە ئێریش پێکھات. گومانبارێ کو ھاتە گرتن، خوە ل چەکا پۆلیسەکی دا و گولە ل پۆلیسان بەردان. د بوویەرێ دە پۆلیسا ژن یا ب ناڤێ ش.ی یا 27 سالی جانێ خوە ژ دەست دا. ھەروھا پۆلیسێ ب ناڤێ ک.ھ.س و داییکا کەسێ گومانباریا ب ناڤێ پ.گ ژی بریندار بوون و ل نەخوەشخانەیێ تێن دەرمانکرن.
بوویەر شەڤا بۆری دەمژمێر 22:55 ل تاخا ئێھلامورکویویا ناڤچەیا عومرانیێ پێکھات. پۆلیسێ عومرانیە ل ھەمبەر تەوانبارێ کو رەڤیابوو ئۆپەراسیۆن دا دەستپێ کرن و پشتی کو گومانبار ھاتە گرتن خوە ل چەکا پۆلیسەکی دا و پشتی چەک وەرگرتی گولە بەردان پۆلیسان. تەوانبارێ ب ناڤێ ی.ە.چ یێ 19 سالی کو ژ بەر تۆمارا 26 تاوانان لێگەرینا وی ھەیە، پۆلیسەک کوشت و پۆلیسەک و داییکا خوە ژی بریندار کرن.
دەربارێ بوویەرێ دە رێڤەبەریا ئەولەھیا ستەنبۆلێ ژی داخویانیەکا نڤیسکی بەلاڤ کر و راگەھاند؛ کەسێ تاوانبار پشتی کو ئەنجاما ئۆپەراسیۆنا پۆلیسان دە ھاتیە گرتن، د ناڤبەرا وی و پۆلیسان دە تەنگەزاری دەرکەتیە و چەکا پۆلیسێ ل سەر ئەرکێ خوە ژێ ستاندیە و گولە ل پۆلیسان و دەردۆرێ بەردایە. د ئەنجامێ دە پۆلیسا ژن یا ب ناڤێ ش.ی ژیانا خوە ژ دەست دایە، ھەروھا پۆلیسەکە دن یێ ب ناڤێ ک.ھ.س و داییکا تەوانبارا ب ناڤێ پ.گ یا 43 سالی ژی بریندار بوونە. دەربارێ بوویەرێ دە لێکۆلین بەردەوام دکە و تەوانبارێ ب ناڤێ ی.ە.چ ژی ب برینداری ھاتیە گرتن.
