سەرۆک بارزانی د سالڤەگەرا رەفەراندوومێ دە دو پەرچەیێن هەلبەستان پارڤە کرنە، د یەک ژ وان دە ئاماژەیێ ددە «نرخێ ئازادیێ» و د یا دن دە ژی بەحسا «سەروەری و شکۆ»یێ دکە.
سەرۆک مەسعوود بارزانی ئیرۆ (چارشەمێ، 25.09.2024) د سالڤەگەرا 7ێ یا رەفەراندووما سەرخوەبوونا هەرێما کوردستانێ دە ل سەر تۆرا جڤاکی یا Xێ دو پەرچەیێن هەلبەستێن هەر دو هەلبەستڤانێن ناڤدارێن عەرەب موتەنەبی و میخاییل نەعیمە پارڤە کرن.
سەرۆک بارزانی د پەیاما خوە دە ئەو پەرچەیا هەلبەستا موتەنەبی پارڤە کر کو دبێژە، «إذا غامَرْتَ في شَرَفٍ مَرُومِ، فَلا تَقنَعْ بما دونَ النّجومِ» یانی «ئەگەر تە پێخەمەتی سەروەری و شکۆیێ سەرکێشی کر، ب کێمتر ژ وێ یا کو ئارمانجا تەیە رازی نەبە».
سەرۆک بارزانی د پارەکە دن یا پەیاما خوە دە ئەڤ پەرچەیا هەلبەستا میخاییل نەعیمە پارڤە کر کو ئاماژەیێ ددە «نرخێ ئازادیێ»؛ «إنَّ الحريةَ أثمنُ ما في الوجود، لذلك كان ثمنُها باهـظاً» یانی «ئازادی ژ تشتێن هەری بهادارێن ژیانێیە، لەوما نرخێ وێ گەلەک گرانە».
