چەند ژێدەرێن ئەولەکاری ئاشکەرە کرن، ھێزێن ئامەریکایێ یێن ل ئیراقێ نە پشتی ئێریشێن ئیسرایلێ یێن ل سەر بارەگەھێن حزبوللاها لبنانێ ل باشوورێ بەیرووتێ، کەتنە ئامادەباشیێ.
ژێدەرێن ئەولەھیێ گۆتن، سەدەما رەوشا ئامادەباشیێ یا ھێزێن ئامەریکایێ ل ئیراقێ، ئەگەرا ئێرشێن کۆمێن چەکدارێن نێزیکی ئیرانێ یە کو ئەو ئامەریکایێ وەک پشتەڤانێ سەرەکەیێ ئیسرایلێ دبینن.
ژ ئالیێ دن ڤە، دو ژێدەرێن پایەبلندێن ئامەریکی ژ رویتەرسێ رە گۆتن: “ئامەریکا ھێزێن خوە ل سەرانسەرێ رۆژھلاتا ناڤین خستنە رەوشا ئامادەباشیێ و ھشیاری دایە کو ھەر کەسێ ئێریشی ھێزێن وێ بکە، دێ بەردێلێن گران بدە.”
ئەڤ یەک پشتی وێ تێ، ئیسرایلێ ئێریشێن خوە ل سەر حزبوللاھا لبنانێ توند کرینە و بریارە پارلامەنتۆیا ئیراقێ ئیرۆ 28 ئیلۆنێ ژی دەربارێ رەوشا لبنانێ بجڤە.
ھەر ل سەر ئالۆزیا ل لبنانێ، ئیراق ئاروایس دوھی 27 ئیلۆنێ ھەموو گەشتێن خوەیێن ئاسمانی بۆ لوبنانێ راوەستاندن.
ژ رۆژا دوشەمبێ ڤە د ئێریشێن ئاسمانی یێن ئیسرایلێ ل باشوور و رۆژھلاتێ لبنانێ دە، زێدەیی 500 کەسان ھاتنە کوشتن و نێزی 1700 کەسان ژی بریندار بوونە.
