سوپایێ پاسدارێن ئیرانێ راگھاند، فەرماندارێ ئۆپەراسیۆنێن سوپای پاسداران جەنەرال عەباس نیلفرۆشان دوھی ئینێ د ئەنجاما ئێرشا ئاسمانی یا ئیسرایلێ دە ل لبنانێ ھات کوشتن.
رۆژنامەیا ئیرانی “کەیھان” کو نێزیکی رێبەرێ ئۆلی عەلی خامنەیییە، کوشتنا فەرماندارێ ھێزا قودسێ یا پاسدارێن ئیرانێ جەنەرال عەباس نیلفرۆشان، ل لبنانێ پشتراست کر.
ھات راگھاندن، عەباس نیلفرۆشان و چەند فەرماندارێن دن یێن بلندێن پاسدارێن ئیرانێ و حزبوللاھێ د جڤینەکێ دە بوون، کو پرانیا وان د ئێریشا ئاسمانی یا ئیسرایلێ دە ھاتن کوشتن.
ئارتێشا ئیسرایلێ دوھی ئێریشی بارەگەھا سەرەکەیا حزبوللاھا لبنانی ل تاخا باشوورا بەیرووتێ کر و راگھاند، وان سەکرەتەرێ حزبوللاھێ حەسەن نەسروللاھ کریە ئارمانج.
ئاژانسا فەرمی یا نووچەیان یا لوبنانێ (NNA) راگھاند، ئیسرایلێ ب کێمانی 11 ئێریشێن ئاسمانی ل سەر تاخا باشوورا، بەیرووتێ و چەند دەڤەرێن ل باشوورێ لبنانێ پێک ئانینە.
حزبوللاھا لبنانی ژی ئیرۆ 28 ئیلۆنێ ب داخویانیەکێ پشتراست کر، سەکرەتەرێ وێ حەسەن نەسروللاھ دوھی د ئێریشەکە ئیسرایلێ ل سەر تاخا باشوورێ بەیرووتێ دە ھاتیە کوشتن.
