چارەنڤیسا ماھر ئەسەد پشتی ئێریشا ئیسرایلێ نەدیارە

ھێزا ئاسمانی یا ئارتێشا ئیسرایلێ ل رۆژا یەکشەمێ ئێریشەکە ئاسمانی کرە سەر چەند ئاڤاھیێن ئاکنجیبوونێ ل سەر رێیا دیمەشق – بەیرووتێ ل رۆژئاڤایێ دیمەشقێ. پشتی وێ ئێریشێ ماھر ئەسەدێ برایێ سەرۆکێ سووریەیێ نە دیارە.

چاڤکانیەکە سەربازی ژ رۆژنامەیا قودس ئەل-عەرەبی رە راگەھاندیە کو، درۆنەکێ ب سێ مۆشەکان ڤیلایا ماھر ئەسەدێ برایێ سەرۆکێ رژێما سووریەیێ بەشار ئەسەد ل دەڤەرا یافوورێ ل گوندێن رۆژئاڤایێ دیمەشقێ بۆمبەباران کر، بێ کو بزانە رێژەیا زراران چەندە.

ل دوو گۆتنا وێ چاڤکانیێ، دەنگێ وێ تەقینێ ل ئاسمانێ گوندێ دیمەشقێ ل دیماس – یافوور و سەبوورەیێ ھاتیە بھیستن. ھەروەسا ئیسرایلێ ھەلمەتەکە جودا جودا ل دەڤەرا وادی ھەنایێ ل باژارێ قەسیرێ ل گوندێن حەمسێ ل ناڤەراستا سووریەیێ کریە.

ژ ئالیەکی دن ڤە، دەزگەھا سانایێ یا فەرمی یا رژێما سووریەیێ د راپۆرتەکێ دە راگەھاند کو، دەنگێ تەقینان ل دەردۆرا دیمەشقا پایتەختا سووریەیێ ھاتیە بھیستن.

چاڤکانیێن نەفەرمی یێن سووریەیێ ب رێیا پلاتفۆرمێن مەدیایا جڤاکی پارڤە کریە، “ڤیلایا ماھر ئەسەد، فەرماندەیێ بناڤ لیوایا چارێ یا ئارتێشا سووریەیێ، ل دەڤەرا یافوورێ ل گوندێن دیمەشقێ ھاتیە بۆمبەبارانکرن.”