د ئێریشێن ئاسمانی ل سەر باژارێ دێرەزۆرێ و گوندەوارێ دە کو تێ تەخمینکرن ئیسرائیلی بن، 19 چەکدارێن ملیسێن ئیرانی هاتن کوشتن.
رەوانگەها سووری یا مافێن مرۆڤان بەلاڤ کر، شەڤا بۆری فرۆکەیێن شەر بارەگەهێن ملیسێن ئیرانی ل دێرازۆر، بۆکەمال و نێزیکی سینۆرێ ئیراقێ بۆمبەباران کرن.
ل گۆر زانیاریێن رەوانگەهێ، 19 چەکدار هاتن کوشتن کو د ناڤ وان دە 7 ژ سووری، 9 ئیراقی و 3 ملیسێن ژ رەگەزێن دن هەبوون. هەروها 18 چەکدارێن دن ژی بریندار بوون.
پشتی ئێریشان، دەزگەهێن ئەولەکاری یێن رەژیمێ ب ئاوایەکی بەرفرەهـ ل هەرێمێ بەلاڤ بوون و هەژمارەک ئامبوولانس بەر ب جهێن ئارمانجکری ڤە چوون. هەروها ژ ئەنجاما ئێریشان، رێیا دێرازۆر و گوندەوارێ رۆژهلاتێ دێرازۆرێ قوت بوو.
ژ دەستپێکا شەرێ ناڤخوەیی یێ سووریەیێ د سالا 2011ان ڤە، ئیسرائیلێ ب سەدان ئێریش ل وی وەلاتی پێک ئانینە، ب تایبەتی کۆمێن ئالیگرێن ئیرانێ کرنە ئارمانج. هەروها ئامەریکا ژی ڤان کۆمێن ل رۆژهلاتێ سووریەیێ دکە ئارمانج.
