سوپایێ پاسداراێن ئیرانێ، پشتی ئێریشا ئیرۆ ئێڤارێ راگەھاند: “مە ب دەھان مووشەک ئاراستەیی ئیسرایلێ کرن و ئەڤە ژی تۆلگرتنا ھەنیە و نەسروللاھ و نیلفرۆشان بوو.”
نوونەرێ ئیرانێ ل نەتەوەیێن یەکبوویی ژی راگەھاند: “ئەگەر ئیسرایل بەرسڤ بدە و زێدەتر ئێریش بکە، دێ بەرسڤا مە وێرانکەرتر بە.”
ئاژانسا رویتەرس رادگھینە کو بەرپرسەکی پایەبلندێ ئیرانی گۆت، “ئێریش ب فەرمانا رێبەرێ بلند عەلی خامنەیی ھاتیە کرن.”
ھێژایی گۆتنێیە کو ئێریشێن ئیرانێ یێن ل دژی ئیسرایلێ ب مووشەکێن بالیستیک ھاتن کرن و ھەتا نھا زیان و ئەنجامێن ئێریشێ دیار نینن.
ئێریشێن ئیرانێ بەردەوامن و ئارتێشا ئیسرایلێ ژی ھشیاری دایە ھەموەلاتیێن خوە کو د مالێن خوە دە بمینن و خوە بپارێزێن.
ئێڤارا ئیرۆ 1/10/2024، کۆمارا ئیسلامییا ئیرانێ، ئێریشێن مووشەکی یێن ل دژی ئیسرایلێ دان دەستپێ کرن.
ل گۆر چاڤکانیێن چاپەمەنیێن ئیسرایلێ، ھەری کێم 102 مووشەک بەر ب ئیسرایلێ ڤە ھاتن شاندن، کانالا 12 یا ئیسرایلێ ژی گۆت کو 400 مووشەک ھاتنە ئاڤێتن.
