رێخستنا په‌كه‌كێ ئامارا شه‌رێ خوه یێ ساخته یا مه‌ها ئیلۆنێ راگهاند و ل گۆری وێ 28 له‌شكه‌رێن ترك و 4 گه‌ریلا هاتنه كوشتن.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا چارشه‌می 2 جۆتمه‌ها 2024ێ ئامارا مه‌ها ئیلۆنێ یا شه‌ر راگهاند و ئه‌شكه‌ره كر د ڤێ مه‌هێ ده ئارتێشا ده‌وله‌تا ترك 531 جاران ئێریشی هه‌رێمێن گه‌ریلایان ل باشوورێ كوردستانێ كری یه.
هه‌په‌گێ د ئامارا خوه ده دیسا ژ ده‌ره‌و گۆتیه كو د مه‌ها ئیلۆنێ ده 28 له‌شكه‌رێن ترك هاتنه كوشتن یێك ژێ فه‌رمانداره‌كی پایه‌بلنده، هه‌روه‌ها 4 گه‌ریلایان ژیانا خوه ژ ده‌ست دا نه.
هه‌په‌گێ هه‌ر وها گۆتیه كو گه‌ریلایان 3 هه‌لیكۆپته‌ر و هه‌ژماره‌كه درۆنێن تركیێ ده‌رب دانه و ئێخستنه!.
پارتیا كاركه‌ران و ده‌وله‌تا ترك سه‌رێ هه‌موو مه‌هه‌كێ ئامارێن شه‌ر رادگه‌هینن و هه‌ر یێك دبێژه مه ئه‌وقاس كوشتنه، لێبه‌لێ هه‌ردو ئالی راست نابێژن و ته‌نێ ڤێ وه‌كه شه‌ره‌كی مه‌دیایی یێ تایبه‌ت ل دژی هه‌ڤ د مه‌شینن و یێن كو زرارا راستین یا شه‌ر ددن ته‌نێ وه‌لاتیێن باشوورێ كوردستانێ نه.
