ئارتێشا ئیسرایلێ راگھاند، د پەڤچوونێن ل باشوورێ لبنانێ دە، 8 لەشکەرێن ئیسرایلێ ھاتن کوشتن و 7 ژی بریندار بوون.
ئارتێشا ئیسرایلێ ئیرۆ 2یێ جۆتمەھێ راگھاند، د ئەنجاما شەر و پەڤچوونێن د ناڤبەرا ئارتێشا ئیسرایلێ و چەکدارێن حزبوللاھێ دە، 8 لەشکەرێن ئیسرایلێ ھاتن کوشتن و 7 ژی بریندار بوون.
ئارتێشا ئیسرایلێ دیار کر، ژ ناڤا وان 8 لەشکەران، 3 ئەفسەرن.
ژ ئالیێ خوە ڤە، حزبوللاھێ راگھاند کو د دەما پێشدەچوونا ئارتێشا ئیسرایلێ دە، وان 3 تانکێن میرکاڤا یێن ئیسرایلێ تەقاندنە.
ئارتێشا ئیسرایلێ رۆژا 1ێ جۆتمەھێ ل باشوورێ لوبنانێ دەست ب ئێریشەکا بەژایی کربوو. بەردەڤکێ ئارتێشا ئیسرایلێ دانیێل ھاگار ژی گۆت، “ئێریشێن بەژایی یێن ئیسرایلێ ل باشوورێ لبنانێ دێ بارەگەھێن حزبوللاھێ یێن ل سەر سینۆر بکن ئارمانج.”
ھاگار گۆت: “حزبوللاھ گوندێن لبنانێ یێن ل نێزیکی گوندێن ئیسرایلێ، ڤەگوھەراندنە بارەگەھێن لەشکەری، تا کو ژ ور ڤە ئێریشی ئیسرایلێ بکن.” تەکەز کر ژی، “شەر ب حزبوللاھ رەیە و نە ب گەلێ لبنانێ رە.”
