سەرۆکێ مەزنترین پارتیا ئۆپۆزیسیۆنا ترکیەیێ، دێ سەردانا شامێ بکە و ب سەرۆکێ سووریەیێ بەشار ئەسەد رە بجڤە.
سەرۆکێ پارتیا کۆماری یا گەل (جه‌هه‌پێ) ئۆزگور ئۆزەل د هەڤپەیڤینەکە تایبەت دە راگهاند، ئەوێ سەردانا سووریەیێ بکە و لگەل سەرۆکێ سووریەیێ بەشار ئەسەد بجڤە و ناڤبەینکاریێ د ناڤبەرا هەر دو حکوومەتێن ئەنقەرە و شامێ دە بکە.
ئۆزەل دا زانین، وان نامەیەک ژ سەرۆکایەتیا سووریەیێ رە شاندیە، کو بەرسڤا وی ب ئەرێنی هاتیە دایین و نها ئەو ل بەندا دیارکرنا رۆژا سەردانێ یە.
سەرۆکێ جه‌هه‌پێ گۆت، پێوەندیێن وان ب حکوومەتا سووریەیێ رە دەوام دکن و هەر دو ئالی ب رێیا دیپلۆماسیێ ب هەڤ رە تەڤدگەرن.
پێشتر ژی سەرۆکێ پارتیا کۆماری یا گەل (جه‌هه‌پێ) ئۆزگور ئۆزەل گۆتبوو، ئەو هەول ددن هەڤدیتنەکێ ب سەرۆکێ سووریەیێ بەشار ئەسەد رە پێک بینن.
داخویانیێن ئۆزەل پشتی وێ تێ، سەرۆککۆمارێ ترکیەیێ رەجەپ تاییپ ئەردۆگان دەمەکە هەول ددە پەیوەندیێن ب شامێ رە ئاسایی بکە، لێ شەرت و مەرجێن پێشوەختێن سووریەیێ هەنە کو پێڤاژۆ راوەستاندیە.
سەرۆککۆمارێ ترکیەیێ رەجەپ تاییپ ئەردۆگان د دەما بۆری دە گۆتبوو، ت سەدەم نینن کو رێ ل بەر دانینا پەیوەندیێن دیپلۆماتیک د ناڤبەرا ترکیە و سووریەیێ دە بگرن.
