پشتی گۆتنا سەرۆککۆمارێ ترکیەیێ ئەردۆگان یا “ئیسرایل دێ چاڤێ خوە بەردە ترکیەیێ ژی” فکارێن شەرێ ھەرێمی زێدە بوون. سەرۆکێ پارلەمەنتۆیا ترکیەیێ نەعمان کورتولموش راگھاند کو ژ بۆ تەھدیدا ئیسرایلێ د 8ێ جۆتمەھێ دە رۆژا سێشەمبێ پارلەمەنتۆیا ترکیەیێ دێ بجڤە.
ئەردۆگان د داخویانیا خوەیا داوی دە د گۆتبوو: “جھێ کو ئیسرایل پشتی لوبنانێ لێ بنێرە دێ ببە وەلاتێ مە. نەتانیاھو ئانادۆلویێ ژی د ناڤ خەیالێن خوە دە جھ دکە.” پشتی گۆتنێن ئەردۆگان سەرۆکێ گشتی یێ جەهەپێ ئۆزگور ئۆزەل ژی دیار کر کو دڤێت دەملدەست پارلەمەنتۆ د ڤێ دەربارێ دە بێ ئاگاھدارکرن و گۆت، “ئەم دخوازن کو ئەڤ روونشتن ب ئاوایەکی گرتی بهێت ئەنجامدان. ژ بەر کو ل پشت ڤان گۆتنا ئاگاھیێن خوەدی نرخێ ئیستیخباراتێ ھەنە. ئەز نکارم ل ڤر ببێژم، ئەڤ تەئۆری نایێن سەکناندن.” ل سەر ڤێ بانگێ سەرۆکێ پارلەمەنتۆیێ نەعمان کورتولموش راگھاند کو دێ دەربارێ تەھدیدا ئیسرایلێ دە مەجلیس هێت ئاگاھدارکرن.
کورتولموش گۆت، “ب رێیا رێخستنێن تەرۆرێ ھەول ددن زەختێ ل ترکیەیێ بکن. ئەم باش دزانین کی چیە و چما کیژان گاڤێ دهاڤێژە. ئەڤ بێیستقرارا سووریە و ئیراقێیە. دڤێت ترکیە ل ھەمبەری ڤێ ھشیار بە. ئەڤە مژارەکە نەتەوەیی یە. پارلەمەنتۆ 8ی جۆتمەھێ رۆژا سێشەمبێ دێ بجڤە و وەزیرێن کارێن دەرڤە و پاراستنێ دێ دەربارێ ئیسرایلێ دە ئاگاھدارییێ بدن پارلەمەنتەران.”
