رۆژنامەیا ئیسرائیل هایۆم یا ئیسرایلێ ئیرۆ 5/10/2024 بەلاڤ کریە، کو ئارتێشا ئیسرایلێ د ھەموو واران دە ئامادەکاریێ ژ بۆ پێخستنا شەری ل دژی ئیرانێ دکە، ئەڤە ژی وەکە بەرتەکەکا ل دژی ئێریشێن داوی یێن ئیرانێ نە، کو رۆژا سێشەما بۆری، ب سەدان مووشەکێن بالیستیک ئێریشی ئیسرایلێ کر.
گۆتەگۆتا تۆلھلدانا ئیسرایلێ ل ئیرانێ، بۆ لێدانا پێگەیێن گرینگیێن پەترۆل و ئەتۆمێن وی وەلاتی، پرسگرێکەکا گەرما چاپەمەنیانە، لێ بەلێ ئیسرائیل هایۆم راگەھاندیە: “ئیسرایل دخوازە شەرەکی راستەراست بکە.”
گرێدایی ڤێ پرسگرێکێ، ل گۆر وێ رۆژنامەیێ، ئیسرایل ژ بۆ شەرەکی وھا ھەوجەدارێ ھەڤکاری و رەواتیا ناڤنەتەوەیی یە.
د وێ چارچۆڤەیێ دە، ئارتێشا ئیسرایلێ راگەھاندیە: “دڤێت ئەم ریسکان کێم بکن و ژ دەرفەتان سوود وەربگرن”. ئەڤ ژی وەکە ئاماژەیەکییە کو دخوازە ب توندی بەرسڤا ئیرانێ بدە و پرانیا ئێریشان بداوی بکە، وەکی کو ب خوە دبێژن.
ئەو رۆژنامە بێی کو ناڤ بینە، ئاخافتنا فەرماندارەکی لەشکەری یێ ئیسرایلێ ڤەدگوھێزە کو گۆتیە: “ئەمێ ب ئاوایەکی بەرسڤا ئیرانێ بدن کو پێشتر وەکی وێ نەبوویە.”
