ئارتێشا ئیسرایلێ ئیرۆ 10/10/2024، راگەھاند کو چەکدارێن حزبوللاھێ ل باشوورێ لوبنانێ د رۆژا لێبۆرینێ دە کو رۆژەکە پیرۆزا یەھوودیانە، 320 مووشەک ئاڤێتنە ئیسرایلێ.
ژ ئالیەکی دن ڤە، حزبوللاھێ راگەھاند کو وان چەند چەپەرێن ئیسرایلێ بۆمبەباران کرنە، ب تایبەتی ژی بارەگەھا حۆما یا ل بلنداھیێن گۆلانێ و باشوورێ باژارێ ھەیفایێ ل ئیسرایلێ.
ھەروەھا راگەھاند، چەکدارێن وان بارەگەھا پیشەسازی یا لەشکەری یا زۆفلۆن بۆمبەباران کریە و وەک ب خوە ژی دبێژن، “ب ئاوایەکی راست ل ئارمانجان خستن.”
ئەڤ د دەمەکی دەیە، ئارتێشا ئیسرایلێ راگەھاندیە، کو د داویا ڤێ ھەفتەیێ دە 280 ئێریشێن ئەسمانی ل سەر لوبنان و غەزەیێ کرنە بۆ سەر ھەردو رێخستنێن حزبوللاھ و حەماسێ.
ناڤەندا ئۆپەراسیۆنێن لەزگین یا وەزارەتا تەندورستییا لوبنانێ راگھاند کو ژ رۆژا ئینیێ ڤە ھەری کێم 26 کەس ل لوبنانێ ھاتنە کوشتن و 144 کەسێن دن ژی بریندار بوونە. ب ڤی ئاوایی ھەژمارا گشتی یا کوشتیان بوو 2 ھەزار و 255 کەس و 10 ھەزار و 524 کەس ژی بریندار بوون.
