ھەڤسەرۆکێ دەم پارتیێ یێ ئیدرێ ھاتە زیندانکرن

ھەڤسەرۆکێ دەم پارتیێ یێ ئیدرێ محەمەد سەلچوک ب بریارا دادگەھێ ھاتە زیندانکرن.

چاڤکانیێن نێزیکی دەم پارتیێ راگھاندن، شەڤا بۆری دادگەھێ بریارا گرتنا ھەڤسەرۆکێ دەم پارتیێ یێ باژارێ ئیدرێ محەمەد سەلچووک دا.

ھێزێن ئەولەکاریێ رۆژا 10 جۆتمەھێ د چارچۆڤەیا لێپرسینەکێ دە، ئاڤێتبوون سەر ئاڤاھیا دەم پارتی یا ل ئیدرێ و ھەڤسەرۆکێ دەم پارتیێ یێ ئیدرێ محەمەد سەلچوک و 7 کەسێن دن بنچاڤ کربوون.

ل گۆری زانیاریان، 5 ژ وان ھاتن بەردان و 2 کەس ژی ھاتن زیندانیکرن.

ھات زانین، د چارچۆڤەیا لێپرسینا بوویەرا 2015 دە، کو د ئەنجاما تەقینا بۆمبەیەکێ دە 13 پۆلیس ھاتبوون کوشتن، پۆلیسان ئاڤێتن سەر ئاڤاھیا دەم پارتی یا ئیدرێ و ھەڤسەرۆکێ دەم پارتیێ یێ ئیدرێ محەمەد سەلچوک بنچاڤ کرن.