وەزیرێ دادێ یێ ترکیێ یلماز تونچ راگهاند كو تشتەک ب ناڤێ پێڤاژۆیا ئاشتیێ نینە و گۆت: نیقاشەکە وها ژی نینە.
وەزیرێ دادێ یێ ترکیێ یلماز تونچ ئیرۆ پرسێن رۆژنامەگەران یێن ل سەر رۆژەڤێ بەرسڤاندن و ل سەر سیستەما دارازێ سەکنی و دیار کر کو ئەو دێ هنەک گوهەرینان بکن.
یلماز تونچ، ل سەر گۆتنا «نیقاشێن پێڤاژۆیا ئاشتیێ ژی ل رۆژەڤێنە» گۆت: «نیقاشەکە وها نینە، ئەڤ مژار نها تەنێ گۆتەگۆتن».
سەرۆکێ مه‌هه‌پێ دەڤلەت باهچەلی 1ێ چریا پێشین چوو جەم پارلامەنتەرێن دەم پارتیێ و سلاڤ دا وان. پشتی ڤێ یەکێ پرسا «گەلۆ پێڤاژۆیەکە نوو ئاشتیێ دەست پێ دکە؟» یەک ژ رۆژەڤێن سەرەکەیە.
باهچەلی راهشت دەستێ هەڤسەرۆکێ دەم پارتیێ تونجەر باکرهان، سەرۆکوەکیلێ گرووپا دەم پارتیێ سەزائی تەمەلی، پارلامەنتەرا وانێ پەرڤین بولدان و پارلامەنتەرێ ئاگریێ سڕ ساکک.
ئەڤ هەلوەستا باهچەلی نها رۆژەڤا گەرمه و پرسا «گەلۆ پێڤاژۆیەکە نوو دەست پێ دکە؟» تێ کرن؟
