ل دێرازۆرێ، ژ ناڤا وان 2 ئەفسەرێن رووسی و 3 ئەفسەرێن ئارتێشا سووریێ، 7 کەس د تۆپبارانەکێ دە هاتن کوشتن.
رەوانگەها سووریێ بۆ مافێ مرۆڤان بەلاڤ کر، شەڤا بۆری دەڤەرێن کو ل دێرازۆرێ د دەستێ رێژیما سووریێ دە نە، ژ ئالیەکی نەنەئاس ڤە هات تۆپبارانکرن.
ل گۆری زانیاریێن رەوانگەهێ، د ئەنجاما تۆپبارانێ دە، 2 ئەفسەرێن رووسیایێ و 3 ئەفسەرێن ئارتێشا سووریێ و هەروه‌ها 2 چەکدارێن کو ناسنامەیێن وان نایێن زانین، هاتن کوشتن.
رەوانگەها سووری دبێژە، دەڤەرا هاتیە تۆپبارانکرن د دەستێ هێزێن رێژیما سووریێ و ملیسێن ئیرانێ دە نە و هەتا نها ژێدەرا تۆپان نەهاتیە ناسکرن.
ئاماژە ب وێ ژی کر، «ئەڤ ئێریش هەڤدەم بوو لگەل فرینا درۆنان و بۆمبەبارانا ژ ئالیێ هێزێن هەپەیمانیا ناڤدەولەتی ڤە یێن کو ل کێلگەها کۆنیکۆ یا گازێ ل گوندەوارێ باکورێ دێرەزۆرێ ب جهـ بوونە».
دوهی ژی هێزێن هەڤپەیمانیا ناڤدەولەتی فرۆکخانەیا لەشکەری یا دێرەزۆرێ، کو هێزێن رێژیمێ و ملیسێن ئیرانی لێنە، کرن ئارمانج، بێ کو ئاگاهی دەرباری زیانێن مرۆڤی بێن راگهاندن.
