ئیرۆ 19/10/2024 ئاژانسەکا نووچەیان یا ئیسرایلێ بەلاڤ کر کو درۆنەک ل نێزیکی مالا سەرۆکوەزیرێ ئیسرایلێ بنیامین نەتەنیاھو کەتیە خوارێ و ژ بەر وێ ژی ھندەک زیان چێبوونە.
ئیرۆ سەرێ سبەھێ 3 درۆنێن ژ لوبنانێ بۆ ناڤچەیا قیساریایا ل باشوورێ باژارێ ھەیفایا ئیسرایلێ برێکەتنە، کو مالا سەرۆکوەزیرێ ئیسرایلێ بنیامین نەتەنیاھو ژی ل وێ دەڤەرێیە و ل گۆر گۆتنێن چاپەمەنیێ 2 درۆن ژ ئەسمان ھاتنە خستن و یەک ژ وان ژی ل مالەکی دایە، کو تێ گۆتن ئەو مالا نەتەنیاھو بوویە.
لێ ژ ئالیێ دن ڤە ھێزێن ئەولەھیێ ئەو ناڤچەیە دۆرپێچ کرنە و بالەفرێن شەر ل ئەسمانێ باژار دگەرن و ھین زانیاریێن پشتراستکری نەھاتنە بەلاڤ کرن. لێ تێ گۆتن کو 2 کەس بریندار بوونە و ھندەک زیانێن دارایی ژی ل دوو وێ ئێریشێ پێکھاتنە.
