سەرۆکێ مه‌هه‌پێ بانگ ل عه‌بدوللا ئۆجالان کر کو ل پارلامەنتۆیا ترکیێ هلوەشاندنا په‌كه‌كێ راگه‌هینیت.
سەرۆکێ گشتییێ پارتیا تەڤگەرا نەتەوەپەرەست (مه‌هه‌پێ) دەولەت باخچەلی گۆت، «ئەگەر تەجریدا ل سەر ئۆجەلان راببیت، بلا بهێت د كۆمبوونا کۆما دەم پارتیێ دا بئاخڤیت و دیار بکەت کو تەرۆر نه‌مایه و رێخستن ئانكو په‌كه‌كه ژ هۆلێ هاتیە راکرن».
باخچەلی دیار کر «پێویستیا ترکیێ ب پێڤاژۆیەکا نوو یا چارەسەریێ نینە، پێویستیا وێ ب ئاقل، گاڤێن راست و خورتکرنا براتیا هەزار سالی هەیە».
هەروها گۆت: «پرسگرێکا ترکیەیێ نە کوردە، پرسگرێکا وێ په‌كه‌كه‌یه. پێویستە پرسگرێکا برایێن خوە یێن کورد یەک ب یەک چارەسەر بکه‌ین».
باخچەلی ئاماژە ب وێ کر، دەما رێبەرێ په‌كه‌كێ عه‌بدوللا ئۆجالان ڤه‌گه‌راندیه ترکیێ گۆتبوو: «ئەز ژ بۆ هه‌ر جورە خزمەته‌كێ ئامادە مە». باخچەلی گۆت ژی: «بلا ئۆجالان ب ئاوایەکی یەکئالی دیار بکەت کو تەرۆر نه‌مایه و هلوەشاندنا پارتیا خوە رابگهینیت».
باخچەلی د داویا ئاخفتنا خوە دا وه‌ها گۆت: «تەرۆر تشتەکێ دی یە، سیاسەت تشتەکی دی یە. بێیی لێکرنا دیواران د ناڤبەرا هەردویان دا و دەست ژ چەکی نه‌هێته بەردان، ل ده‌ستپێكێ وەلاتیێن کورد، هەموو وەلاتیێن ترکیێ نه‌شێن بگهن ئاستا باشا ژیانێ».
باخچەلی کو هەڤالبەندێ ئاک پارتیێ یە و هەڤالبەندێ دەستهلاتا ترکیێ یە، گۆت کو پێویسته ناڤونیشان ژ قەندیل و ئەدیرنەیێ بۆ ئیمرالیێ بهێنه گوهارتن.
