وەزیرێ ناڤخوەیێ ترکیەیێ راگهاند، ئێریشکەرەکی ئێرشا دوهی یا ل ئەنقەرێ، ئەندامێ په‌كه‌كێ عەلی ئۆرەکە.
وەزیرێ ناڤخوەیێ ترکیەیێ عه‌لی یەرلیکایا ل سەر هەژمارا خوە یا تۆرا جڤاکی «X» راگهاند، ناسنامەیێ ئێریشکەرێ ئێریشا دوهی یا ل سەر توساشێ ئەشکەرە بوویە.
دا زانین، ناڤێ ئێریشکەر عەلی ئۆرەک، ب ناڤێ کۆد (رۆژگەر) ە و ئەو ئەندامێ په‌كه‌كێ یە. ژ بۆ ئەشکەرەکرنا ناسنامەیا ئێریشکەرا ژن ژی لێکۆلین ددۆمن.
کۆمانیایا سازیا ئاسمانی و پیشەسازیا فەزایێ (توساس) دوهی راستی ئێریشەکە چەکداری هات و هات راگەهاندن، 4 کەسان د ئێریشێ دە ژیانا خوە ژ دەست دانە، 14 کەسێن دن ژی بریندار بوونە.
ئارتێشا ترکیەیێ، ژ بەر بوویەرا دوهی، 42 جهـ و خال ل رۆژئاڤا و باشوورێ کوردستانێ کربوون ئارمانج. ل گۆری هه‌سه‌دێ، د ئەنجاما ئێریشێن ل رۆژئاڤایێ کوردستانێ دە 12 کەس هاتن کوشتن کو د ناڤا وان دە سڤیل هەنە.
