د ئەنجاما ئێریشێن ئارتێشا ترکیەیێ ل سەر باژارۆکێ عاموودێ دە، هەژمارەک کەس بریندار بریندار بوون.
ل گۆری مەدیایا خوەجهی، ناڤەندا هێزێن ئەولەکاریا هووندرین (ئاسایش) و سازیا منهاجان ل عاموودێ ژ ئالیێ درۆنێن ترکیەیێ ڤە هاتن بۆمبەبارانکرن.
د ئەنجاما ئێرشێ دە، زێدەتر ژ 10 ئەندامێن هێزێن ئەولەکاریێ و وەلاتی بریندار بوون و بریندار بۆ نەخوەشخانەیێن عاموودێ و قامشلۆیێ هاتن راکرن.
هات زانین ژی، ئارتێشا ترکیەیێ بانکا چاندنیێ یا ل گوندێ ئەخیبشێ رۆژئاڤایێ باژارۆکێ تل تەمرێ ژی تۆپباران کر.
هەروها درۆنەکە ئارتێشا دەولەتا ترکیەیێ، بنەسازیا پەترۆلێ یا ل گوندێ گر زیرۆیێ سەر ب گرکێ لەگێ ڤە بۆمبەباران کر.
ئەنجوومەنا لەشکەری یا منبجێ ژی بەلاڤ کر، هێزێن ترکیەیێ و گرووپێن چەکدارێن سەر ب وێ ڤە، ب 6 تۆپان گوندێ دەرەج، ب 6 تۆپان گوندێ ئەون داداتێ و ب 12 تۆپان گوندێ عەرەب حەسەن کرن ئارمانج.
ئیرۆ دانێ سبێ ژی ئارتێشا ترکیەیێ ناڤەندەکە ئەرکێ خوەپاراستنێ ل تاخا مەیسەلۆنا قامشلۆ و کارگەها ماست و پەنێر و کاراجەکە چاککرنا ئۆتۆمۆبیلان ل باژارێ دێرکێ بۆمبەباران کربوون.
ترکیەیێ د چەند رۆژێن بۆرێن بۆری دە ئێریشێن خوە ل سەر رۆژئاڤایێ کوردستانێ توندتر کریە و ل گەلەک ناڤەندێن خزمەتگوزاری و خالێن لەشکەری دانە کو د ئەنجامێ دە وەلاتیێن سڤیل ژی دبن قوربانی.
