بەرەیێ مقاوەمەیێ یێ ئیراقێ ئێریش کرە سەر خالەکا سەربازی یا ئیسرایلێ

بەرەیێ مقاوەمەیێ یێ ئیسلامی یێ ئیراقێ ئیرۆ (دوشەمبێ، 28/10/2024) راگەھاند کو، ئێریش کریە سەر خالەکا سەربازی ل باکورێ ئیسرایلێ.

بەرەیێ مقاوەمەیێ یێ ئیسلامی یێ ئیراقێ د بەیاننامەیەکێ دە راگەھاند، ب رێیا بکارئانینا درۆنان خالەکا سەربازی ل باکورێ ئیسرایلێ کریە ئارمانج.

بەرەیێ مقاوەمەیێ یێ ئیسلامی یێ ئیراقێ کەمپەینێن خوە ل دژی ئیسرایلێ ب لەز پشتراست کرن.

کۆمێن ملیشیایێن ئیراقی کو خوە وەکی بەرەیێ مقاوەمەیێ دایە ناساندن، ژ لیوایێن حزبوللاھ، سەییدو شوھادە، تەڤگەرا نوجەبا و چەندێن دن پێک تێن.

ئەڤ ژ بۆ دەما زێدەتری سالەکێ یە کو ئیسرایلێ ل کەرتێ غەززەیێ دەست ب شەرێ ل دژی حەماسێ کریە، ئەو ژی پشتی ئێریشا حەماسێ یا رۆژا 7/10/2023 ل سەر ئیسرایلێ.

شەرێ غەززەیێ وەسا کریە کو کۆمێن چەکدارێن گرێدایی ئیرانێ دەست تێوەردانێ ل دەڤەرێ بکن و وی شەری بەرفرەھ بکن.