سەرۆکۆمارێ ترکیەیێ رادگهینە، «ئێدی ئەم دزانن، کێشەیا تەرۆرێ کو 40 سالن ئەنەرژیا مە دخوە، براتیا مە لاواز دکە، مە ژ ئارمانجێ دوور دخە، ئەمێ ل پاش خوە بهێلن».
سەرۆکۆمارێ ترکیەیێ ئیرۆ 29ێ جۆتمەهێ د سالڤەگەرا 101 مین یا دامەزراندنا کۆمارا ترکیەیێ دە پەیامەک بەلاڤ کر و گۆت، ئەو دخوازن ل دەرڤە و ل ناڤا وەلات ئاشتی، ئارامی و دادوەری سەردەست بە.
ئەردۆگان گۆت: «ئێدی ئەم دزانن، کێشەیا تەرۆرێ کو 40 سالن ئەنەرژیا مە دخوە، براتیا مە لاواز دکە، مە ژ ئارمانجێ دوور دخە، ئەمێ ل پاش خوە بهێلن. نە ب ئێش و ئازارێن خوە، ئەمێ ب شاهی و دلخوەشیێن رکابەری بکن. ئەمێ نە هەژاریا خوە، ئەمێ دەولەمەندیا خوە پارڤە بکن».
هەروها گۆت: «هەموو ئارمانجا مە ترکیەیا بهێز و مەزنە. د ڤێ سەردەما نوو دە، ئەمێ وەلاتێ خوە بهێزتر دەربخن. نژاد و نێرینا وان چ بە، ئەم باوەر دکن هەموو مللەت ل گەل مەیە».
