رەجەپ تایییپ ئەردۆگان ل سەر بانگا دەڤلەت باخچەلی یا ژ بۆ عه‌بدوللا ئۆجالان گۆت: «ئەم د وێ قەناعەتێ دە نە کو دڤێ وەرە نرخاندن».
سەرۆکێ گشتییێ مه‌هه‌پێ دەڤلەت باخچەلی 1ێ ڤێ مەهێ سلاڤ دا دەم پارتیێ و 22یێ مەهێ ژی گۆت کو بلا عه‌بدوللا ئۆجالان ل پارلامەنتۆیا ترکیەیێ باخڤە و په‌كه‌كێ تاسفیە بکە.
سەرۆککۆمارێ ترکیەیێ رەجەپ تاییپ ئەردۆگان د مەراسیما سالڤەگەرا 101ێ یا کۆمارا ترکیەیێ دە ل سەر مژارێ ئاخڤی و دیار کر کو ل هەرێمێ «روودانێن دیرۆکی» دقەومن و ل پەی چوو: «دڤێ ئەم پرسگرێکێن سیاسی، جڤاکی و ئابۆری ب ئاوایەکی بلەز چاره‌سه‌ر بکن.
«ئەم د وێ قەناعەتێ دە ئەگەر نێزیکبوونێن کو ب پێشەنگیا شریکێ مەیێ تفاقا جومهورێ هاتنە هۆلێ ب ئاوایەکی بێپێشداراز و ل گۆری پاشخانا بەرفرەهـ بێن نرخاندن دێ بسوودتر بە. ئەڤ نێزیکبوون دڤێت یا ئەقلێ کەڤنارێ دەولەتێ و عیرفانا ب هەزاران سالانە».
ئەردۆگان د ئاخافتنا خوە دە ب بیر ئانی کو پارلامەنتۆیا ترکیەیێ ب هەڤگرتنا کورد، ترک، عەلەوی و سونیان هاتیە ئاڤاکرن.
