ل ستەنبۆلێ 18 کەس و ل ئیزمیرێ ژی 10 کەس کەس ب سه‌ده‌ما په‌كه‌كێ هاتن دەستەسەرکرن.
د چارچۆڤەیا لێپرسینا سەردۆزگەریا کۆمارێ یا ستەنبۆلێ دە، ب سه‌ده‌ما کو د “خەباتێن جوانان و سیاسی یێن په‌كه‌كێ دە جهـ گرتیە” دەربارێ 25 کەسان بریارا دەستەسەرکرنێ هات دایین.
هات ئیدیعاکرن کو وان کەسان خوەستیە ل ستەنبۆلێ ل کۆلانان چالاکیێن ب مۆلۆتۆفان بکن.
پشتی کو دۆزگەریێ بریارا دەستەسەرکرنێ دا تیمێن برێڤەبریا شاخا تێکۆشینا ل دژی تەرۆرێ یا رێڤەبریا ئەولەهیێ ئۆپەراسیۆن کر و 18 کەس هاتن دەستەسەرکرن.
ژ بۆ دەستەسەرکرنا 7 کەسێن دن ژی خەبات دەوام دکن.
ل ئالیێ دن، د چارچۆڤەیا لێپرسینا سەردۆزگەریا کۆمارێ یا ئیزمیرێ دە ژی ب سه‌ده‌ما کو وان «پرۆپاگاندەیا په‌كه‌كێ کریە» دەربارێ 10 کەسان دە بریارا دەستەسەرکرنێ هات دایین.
ل ئیزمیرێ ژی هێزێن ئەولەهیێ ڤێ سبەهێ ب سەر مالان دە گرت و 10 کەس دەستەسەر کرن.
دڤێ وەرە گۆتن کو ئیرۆ سەرۆکێ شارەداریا ئەسەنیورتێ پرۆف. در. ئه‌حمه‌د ئۆزەر ژی هات دەستەسەرکرن.
سەردۆزگەریا کۆمارێ یا ستەنبۆلێ داخویانیەکە نڤیسکی دا و گۆت کو ئه‌حمه‌د ئۆزەر د چارچۆڤەیا خەباتێن تەسبیتکرنا ئەندام و چالاکیێن په‌كه‌كێ دە هاتیە گرتن.
سەردۆزگەریا کۆمارێ گۆت کو ئه‌حمه‌د ئۆزەر ب هەڤسەرۆکێ کۆنگرا-گەل رەمزی کارتال رە ب رێیا تەلەفۆنێ ئاخڤیە.
