فەرمانداریا ناڤەندی یا ئه‌مه‌ریكایێ (Centcom) ئەشکەرە کر، د ئەنجاما ئێرشێن ئه‌مه‌ریكایێ دە، د ڤێ حەفتەیێ دە 35 ئەندامێن داعشێ ل سووریێ دە هاتنە کوشتن.
فەرمانداریا ناڤەندی یا ئه‌مه‌ریكایێ دوهی 30ێ جۆتمەهێ د داخویانیەکێ دە دیار کر، وان ل چەند جهێن داعشێ ل بیابانا سووریێ خستنە و چەند ژ سەرکردەیێن وێ کرن ئارمانج.
دا زانین ژی، د ئەنجاما ئێریشێن 28ێ جۆتمەهێ دە ت ئاماژە ل سەر کوشتنا سڤیلان نینە.
هەروها گۆت: «ئێریشێن ئاسمانی دێ شیانا داعشێ یا پلانکرن، رێخستنکرن و پێکانینا ئێریشان ل دژی سڤیلان و ل دژی هەڤالبەند و هەڤکارێن ئه‌مه‌ریكایێ ل سەرانسەرێ هەرێمێ و دەرڤەیی وێ پووچ بکە».
د داخویانیێ دە هات گۆتن: «فەرمانداریا ناڤەندی یا ئه‌مه‌ریكایێ دێ ب هەڤالبەند و هەڤکارێن خوە بەردەوام بە ل سەر تێکدانا کارینێن داعشێ، ژ بۆ مسۆگەرکرنا تێکچوونا دائیمی یا وێ رێخستنێ».
