سەرڤیسا ئیستخباراتا فەدەرالا سویسرایێ راگهاند، رێخستنا په‌كه‌كێ ل سویسرایێ و ل وەلاتێن دن ب ئاوایەکی ڤەشارتی په‌ره‌یان کۆم دکە، پرۆپاگاندایێ دکە، کامپێن پەروەردەیێ یێن تەرۆرێ ل دار دخە و هەر وها میسیۆن و سازیێن ترکان یێن وەکی مزگەفت و جهێن لۆکال د ناڤا هەدەفێن پۆتانسیەل یێن په‌كه‌كه‌یێ دانە.
سەرڤیسا ئیستخباراتا فەدەرالا سویسرایێ راپۆرا خوە یا رەوشا داوین یا ب سەرناڤێ “ئەولەکاریا سویسرایێ 2024” وەشاند. د راپۆرێ دا هات بالکشاندن کو رێخستنا په‌كه‌كێ چالاكیێن خوە یێن ل ئەورۆپایێ ددۆمینە.
د راپۆرێ دا وها هات گۆتن، “په‌كه‌كه ل سویسرایێ ب ئاوایەکی ڤەشارتی پەرە کۆم دکە، پرۆپاگاندایێ دکە و کامپێن پەروەردەیێ یێن تەرۆرێ ل دار دخە”.
د راپۆرێ دا هەر وسا هات دەستنیشانکرن، په‌كه‌كه جوانان ژی دکشینە جەم خوە دا کو د پاشەرۆژێ دا ل دژی ئارتێشا ترک وان بدە شەرکرن.
د راپۆرێ دا هات دیارکرن، سازیێن چاندی یێن نێزیکی په‌كه‌كه‌یێ، “پەنابەرێن کورد”ێن نوو هاتی دکشینە جەم خوە و هەول ددە وان ژ بۆ ئارمانجێن خوە ب کار بینە.
د راپۆرێ دا دیسا هات بالکشاندن کو میسیۆن و سازیێن ترکان یێن وەکی مزگەفت و جهێن لۆکال د ناڤا هەدەفێن پۆتانسیەل یێن په‌كه‌كه‌یێ دانە.
