حزبوللاھا لبنانێ د بەیاننامەیەکێ دە سەرێ سبەھا ئیرۆ (دوشەمبێ، 4/11/2024) راگەھاند کو، ئێریش کریە سەر بنگەھا کۆنترۆلا ئاسمانی یا مریۆنێ یا ئارتێشا ئیسرایلێ و ھەژمارەکا جھێن ئاکنجیبوونێ ل باکورێ ئیسرایلێ.
د بەیاننامەیا حزبوللاھا لبنانی دە ھاتیە، “ب مۆشەکان ئێریش کریە سەر باژارکێن ئیلیت ھشاھر، ھتسۆر و دلتۆنێ.”
ژ ئالیەکی دن ژی ڤە حزبوللاھێ ئاماژە دایە کو، “ب مۆشەکان یەکینەیا کۆنترۆلا ئاسمانی ل بنگەھا میرۆنێ پووچ کریە.”
ئەڤ د دەمەکێ دەیە کو چاڤکانیێن لبنانی راگەھاندیە، “تەڤایا ھێزێن ئیسرایلێ ل تاخێن رۆژھلات و باشوورێن باژارێ خامێ یێن باشوورێ لبنانێ ژی ڤەکشیانە، ئەو ژی ژ بەر وی شەرێ توندێ چەند رۆژێن بۆری د ناڤبەرا حزبوللاھێ و ئارتێشا ئیسرایلێ دە روو دای.”
ئەڤ ژی لگەل بزاڤێن ناڤدەولەتی یێن بەردەوام ژ بۆ بسەرخستنا دانوستاندنان و راگەھاندنا ئاگربەستێ ل بەرەیێ لبنانێ ھەڤدەمە.
