ل گۆر مەدیایا ئەمەریکی، ئیرانێ ھەژمارەک وەلاتێن عەرەب ئاگاھدار کرنە کو دخوازە ئێریشەکا بھێز ل دژی ئیسرایلێ ئەنجام بدە.
ل گۆر رۆژنامەیا وال ستریت جۆرنال یا ئەمەریکی پلانا بەرسڤدانا ئیرانێ یا ل دژی ئیسرایلێ وەک دەستپێکا شەرەکی بھێزتر و بکارئانینا چەکێن دن تێ دیتن و دبە کو سازیێن لەشکەری یێن ئیسرایلێ ب ئاوایەکی بەرفرەھتر ژ جارێن بۆری بکە ئارمانج.
رۆژنامەیا وال ستریت جۆرنال ب زمانێ بەرپرسەکی ئیرانێ بەلاڤ کر، بەرسڤدانا ئیسرایلێ پشتی رۆژا دەنگدانا ھەلبژارتنێن ئامەریکایێ دێ هێت ئەنجامدان، لێ بەری دەستبکاربوونا سەرۆکێ نوو دبە.
کاربدەستێن ئیرانی و عەرەبی ئاماژە ب وێ یەکێ دکن کو ئیرانێ دیپلۆماتکارێن عەرەب ئاگاھدار کرنە کو سپاھێ پاسداران ب ئاوایەکی ئاسایی دێ بەشداریێ د بەرسڤدانێ دە بکە، ژ بەر کو د ئێریشا ئیسرایلێ دە 4 لەشکەر و ھەموەلاتیەکی سڤیل ھاتنە کوشتن.
وەک ھاتیە دیار کرن، ل گەل وێ ژی بەشداریا سپاھێ پاسداران د وێ ئێریشێ دە نایێ واتەیا بجیھکرنا ھێزان، تێ وێ واتەیێ کو: “سپاھێ پاسداران نیڤ لەشکەرییە و زێدەتر دانوستانێ ل گەل مژارێن ئەولەھیێ یێن ل گەل ئیسرایلێ دکە، لێ د ڤێ رەوشێ دە تەنێ مامەلێ ناکە بەشداری ژی دکە.”
ژ ئالیێ خوە ڤە بەرپرسەکی مسرێ راگەھاند کو ئیرانێ ھشیاریا تایبەت دایە کو دێ بەرسڤدان “بھێز و ئالۆز بە.”
د ڤێ دەربارێ دە بەرپرسەکی ئیرانێ راگەھاندیە: “ئارتێشا مە لەشکەر ژ دەست دانە، ژ بۆ وێ ژی پێویستە بەرسڤێ بدە.” ھەروەھا گۆتیە دبە کو ئیران ئاخا ئیراقێ وەک بەشەک ژ ئۆپەراسیۆنێ بکاربینە و خویا دکە سازیێن لەشکەری یێن ئیسرایلێ دێ بکە ئارمانج، لێ ب ئاوایەکی بەرفرەھتر ژ جارا بەرێ دێ هێتە ئەنجامدان.”
