یەکەمین روونشتنا دۆزا کوشتنا نارین گورانا 8 سالی ئیرۆ ل دادگەھا سزایێ گران یا دیاربەکرێ ب ئامادەبوونا 50 سیاسەتمەداران برێڤە دچە.
زارۆکا 8 سالی نارین گورانا کو د 21ێ تەباخێ دە ل گوندێ چولی یێ ناڤچەیا رەزانا دیاربەکرێ ھاتبوو کوشتن، ترکیە ب خەمگینی ھەژاندبوو.
روونشتنا یەکەمینا دۆزا نارین گوران دێ ل هەشتەمین دادگەھا سزایێن گران یا دیاربەکرێ بێ لدارخستن.
ل گۆری داخویانیا سەردۆزگەریا کۆمارێ یا دیاربەکرێ، ژ 4 تۆمەتبارێن گرتی، سزایێ ھەتاھەتایێ تێ خوەستن.
تۆماتبارێن گرتی دایک یوکسەل گوران، برایێ وێ ئەنەس گوران، ئاپێ وێ سالم گوران و جیرانێ وان نەوزات بەختیار ب تەدبیرێن ئەولەھیێ بۆ دادگەھێ ھاتنە برن.
50 سەندیکایێن ترکیێ و باکورێ کوردستانێ و ھەژمارەک پارلامەنتەرێن دەم پارتیێ ژی دێ ژ بۆ گوھداریکرنا دۆزێ ل سالۆنا دادگەھێ ئامادە ببن.
