سەرۆکێ مەھەپێ باخچەلی لگەل ئەحمەد تورک ھەڤدیتن کر

ھات دیارکرن کو سەرۆکێ گشتییێ مەھەپێ دەولەت باخچەلی لگەل ئەحمەد تورکێ کو 2 رۆژ بەرێ ژ ئالیێ وەزارەتا کارێن ناڤخوەیی ڤە ژ شەرەداریێ ھاتی دوورخستن جڤیا.

ل گۆری ئاگاھیێن کو CEGA مەدیا ب دەست خستنە، سەرۆکێ گشتی یێ مەھەپێ دەولەت باخچەلی ھەفتەیەکێ بەری کو قەیووم ل سەر شارەداریێ بهێتە وەزیفەدار کرن، ب رێیا پارلەمەنتەرەکی ب تەلەفۆنێ لگەل شارەدارێ باژارێ مەزنێ مێردینێ ئەحمەد تورک ئاخڤییە. ھاتە زانین کو د ھەڤدیتنێ دە باخچەلی ئەول رەوشا تەندورستیا ئەحمەد تورک پرسی و پشترە ژی ئاخافتنەکە کورت کرن.

سەرۆکێ گشتی یێ مەھەپێ دەولەت باخچەلی دوھ د جڤینا کۆما پارتیا خوە دە بەحسا ئەحمەد تورکێ کو جارا سێیەمینە ل جهێ وی قەیووم دهێتە دانان، کر. باخچەلی گۆت: پرسگرێکێن تەندوورستی یێن ئەحمەد تورک ھەنە و ئەو ژ مالباتەکا رێکوپێکە و ئاغایەکی کوردایە. جەهەپە وی ئیستیغلال دکە. جەهەپە ب سیاسەتەک رووڤیتی ھەول ددە ناڤبەرا ئیمرالی و دەمێ خراب بکە.

سەرۆکێ گشتی یێ مەھەپێ دەولەت باخچەلی د چلەیا 2017 دە دەربارێ ئەحمەد تورکێ کو د مژدارا 2016 دە ل شوونا وی قەیووم ھاتبوو دانان دە داخویانی دابوو و گۆتبوو: “ئەحمەد تورک کەسەکە کو دەما ئەم تێن مەجلیسێ دەستێن مە دھەژینە.” ئەگەر نەخوەشیا ئەحمەد تورکێ 74 سالی د قۆناغەکە پێشکەتی دە بە، دڤێت نەیێ گرتن و ئیمکانا دەرمانکرنێ ژێرە بێ دایین.

دەما ئەحمەد تورک د 3 شباتا 2017 دە ژ بەر ئیفادەیێن باخچەلی یێن دەر بارێ وی دە ھات بەردان، گۆت، “بێیی حەسابێن پارتیێ بکە بەرپرسیاریا خوە یا وژدانی ب جھ ئانی. ئەز دخوازم سپاسیا وی بکم. “ئەگەر دەرفەت ھەبە ئەم دێ سەردانا وی بکن.”