وەزارەتا ناڤخوەیا ترکیەیێ راگھاند، ل دژی ھەڤسەرۆکێ دەم پارتیێ تونجەر باکرھان، دەست ب رێکارێن یاسایی کرنە.
وەزارەتا ناڤخوەیا ترکیەیێ د داخویانیەکی دە راگەھاند، ژ بەر داخویانیێن وان یێن دەرحەقێ قەیوومان دە، دەست ب رێکارێن یاسایی ل دژی ھەڤسەرۆکێ دەم پارتیێ تونجەر باکرھان و سەرۆکێ شاخا مێردینێ یا ھەمان پارتیێ محەمەد مھدی تونچ کرنە، لێ وەزارەتێ بەحسا ناڤەرۆکا رێکارێن یاسایی نەکریە.
تونجەر باکرھان، ل دژی دانینا قەیوومان ل سەر شارەداریێن مێردین، باتمان و خەلەفتیێ، گۆتبوو، ئەو دێ ژ بۆ نەھیشتنا قەیوومان، دادگەھێن خوە ئاڤا بکن و قەیوومان ژ کوردستانێ دەرخینن.
حکوومەتا ترکیێ ب تۆھمەتا ئەندامەتیا پەکەکێ، رۆژا 4 ڤێ مەھێ شارەدارێن باژارێن مێردین، باتمان و خەلەفتیێ ژ کار دوورخستبوون و ل شوونا وان قەیووم دانیبوون.
